Հոլգեր Ռունե․ Անդրե Աղասին շատ իմաստուն է

13:24   21 հուլիսի, 2025

Աշխարհի 9-րդ ռակետ, դանիացի Հոլգեր Ռունեն մեկնաբանել է իր համագործակցությունը «Մեծ սաղավարտի» մրցաշարերի 8-ակի չեմպիոն, աշխարհի նախկին առաջին ռակետ, ամերիկահայ Անդրե Աղասիի հետ, որի ղեկավարությամբ պատրաստվում է ԱՄՆ-ի մայրաքաղաքում մեկնարկելիք ATP-500 մրցաշարին։

«Մի քանի ամիս առաջ ես կապ հաստատեցի Աղասիի հետ։ Նա շատ իմաստուն է եւ զարմանալի մարդ է։ Նա յուրովի է տեսնում խաղը՝ ինձ համար նոր ձեւով։ Որոշեցի, որ հիմա ճիշտ ժամանակն է Աղասիին դիմելու համար, քանի որ ես դարձյալ լավ եմ խաղում։

Երբ հաճախ ես փոխում մարզիչների, ավելի վատ ես խաղում, քանի որ չես հետեւում միասնական համակարգի։ Կարծեցի, որ հիմա լրացուցիչ տեղեկություններ ստանալու համար ճիշտ ժամանակն է։ Մոգություն չկար, բայց Աղասին մի քանի շատ իմաստուն խոսքեր ասաց, ինչն ինձ օգնեց»,- Ռունեի խոսքը մեջբերում է Tennis.com-ը։

Վաշինգտոնի ATP-500 մրցաշարում Ռունեն պայքարը կսկսի երկրորդ շրջանից։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.