Դանիել Աղբալյան․ Ուրախ եմ, որ դրական արդյունքը գրանցվեց իմ նորամուտի խաղում
09:42 10 հունիսի, 2025Շատ ուրախ եմ, որ այսօր նշեցի նորամուտս հավաքականում եւ կարողացանք գրանցել դրական արդյունք: Այսօր մեր խաղն ավելի թիմային ստացվեց:
Այս մասին ասել է Հայաստանի հավաքականի նորեկ, ԲԿՄԱ-ի կիսապաշտպան Դանիել Աղբալյանը:
Հայաստանի հավաքականը Չեռնոգորիայի հետ արտագնա ընկերական խաղում ոչ ոքի արդյունք գրանցեց՝ 2:2 հաշվով: Առաջին անգամ մեկնարկային կազմում էր Դանիել Աղբալյանը:
«Շատ ուրախ եմ, որ կարողացանք այսօր դրական արդյունք գրանցել: Ուրախ եմ, որ այս դրական արդյունքը գրանցվեց իմ նորամուտի խաղում: Հուսով եմ, որ հետագայում ավելի լավ կխաղանք: Ինձ թվում է, այսօր մեր խաղն ավելի թիմային սստացվեց, փոխանցումները շատ էին, մեկս մյուսի համար դիրք էինք բացում: Ես խաղացի երկու դիրքերում, ինչպես խաղում եմ ԲԿՄԱ-ում:
Նորամուտիս տպավորությունները շատ բարձր են: Հոգեբանորեն պատրաստ էի խաղալ հավաքականում: Վստահ եմ, որ մեր թիմի մոտ ավելի լավ կստացվի հետագա խաղերում»,- ասաց Դանիել Աղբալյանը:
Նախորդ ընկերական խաղում Հայաստանի հավաքականը 2:5 հաշվով պարտվել էր Կոսովոյի թիմին։
Լուսինե Շահբազյան՝ Նիկշիչից
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.