Հենրիխ Մխիթարյանը՝ 2012թ. Ուկրաինայի առաջնության լավագույն լեգեոնական
11:25 7 դեկտեմբերի, 2012«Украинский футбол» թերթի անցկացրած հարցման արդյունքում Դոնեցկի «Շախտյորի» եւ Հայաստանի ազգային հավաքականի կիսապաշտպան Հենրիխ Մխիթարյանը ճանաչվել է ֆուտբոլի Ուկրաինայի առաջնության 2012թ. լավագույն լեգեոնական, հաղորդում է ակումբի պաշտոնական կայքը:
Ըստ ուկրաինական թերթի ընթերցողների՝ 2012թ. լավագույն մարզիչն ու դարպասապահը նույնպես ներկայացնում է «Շախտյորը»: Ռումինացի մասնագետ Միրչա Լուչեսկուն ճանաչվել է լավագույն մարզիչ, իսկ Ուկրաինայի ազգային հավաքական խաղացող Անդրեյ Պյատովը՝ լավագույն դարպասապահ: Տարվա լավագույն ֆուտբոլիստ է ճանաչվել Ուկրաինայի հավաքականի եւ «Դնեպրի» կիսապաշտպան Եվգենի Կոնոպլյանկան:
Հիշեցնենք, որ Ուկրաինայի ընթացիկ առաջնությունում 23-ամյա Մխիթարյանը մասնակցել է 17 խաղի եւ դարձել է 18 գոլի հեղինակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.