Սերգեյ Նագորնյակ. Մխիթարյանը կեցցե, բայց նա պետք է մեծ աշխատանք կատարի յուրաքանչյուր խաղում
11:05 7 դեկտեմբերի, 2012Ուկրաինայի առաջնության առաջին շրջանի լավագույն ֆուտբոլիստը Վիլիանն էր, հայտարարել է Ուկրաինայի ազգային հավաքականի եւ Դոնեցկի «Շախտյորի» նախկին ֆուտբոլիստ Սերգեյ Նագորնյակը: Ուկրաինացի հարձակվողն ամփոփել է Ուկրաինայի առաջնության առաջին շրջանը:
«Ուկրաինայի առաջնության առաջին շրջանի լավագույն ֆուտբոլիստը Վիլիանն էր, իսկ լավագույն թիմը՝ «Շախտյորը»: Առանձնացնում եմ Վիլիանին, քանի որ նա, չգտնվելով լավ մարզավիճակում, կարող է հիանալի հատված անցկացնել խաղի ժամանակ: Հենրիխ Մխիթարյանը կեցցե: Սակայն ավելի արդյունավետ խաղալու համար Հենրիխը պետք է մեծ աշխատանք կատարի յուրաքանչյուր խաղում»,- Նագորնյակի խոսքը փոխանցում է gazeta.ua-ն:
Հիշեցնենք, որ Ուկրաինայի առաջնության մեկնարկային 18 տուրերում 23-ամյա Մխիթարյանը մասնակցել է 17 խաղի եւ խփել է 18 գնդակ: Նա վստահորեն գլխավորում է ռմբարկուների ցուցակը: Երկրորդ տեղում գտնվող նիգերիացի հարձակվող Բրաուն Իդեյեն («Դինամո» Կիեւ) դարձել է 13 գոլի հեղինակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.