Համլետ Մանուկյանը՝ Եվրոպայի չեմպիոն, Մամիկոն Խաչատրյանը՝ փոխչեմպիոն (տեսանյութ)
20:34 30 մայիսի, 2025Երիտասարդ մարմնամարզիկներ Համլետ Մանուկյանն ու Մամիկոն Խաչատրյանը հավասարը չունեցած մեծահասակների Եվրոպայի առաջնությունում եւ նվաճեցին չեմպիոնի եւ փոխչեմպիոնի կոչումները:
Գերմանիայի Լայպցիգ քաղաքում անցկացվող սպորտային մարմնամարզության Եվրոպայի առաջնությունում նժույգ թափեր վարժության եզրափակիչում 17-ամյա Համլետ Մանուկյանը 14.766 միավորով նվաճեց իր առաջին ոսկե մեդալը մեդածահասակների Եվրոպայի առաջնությունում:
Մամիկոն Խաչատրյանը դարձավ արծաթե մեդալակիր՝ 14.733 միավորով:
Որակավորման փուլում Համլետ Մանուկյանը վաստակել էր 14.566 միավոր, Մամիկոն Խաչատրյանը՝ 14.400 միավոր:
Համլետ Մանուկյանն ու Մամիկոն Խաչատրյանը Լայպցիգում պարգեւատրվեցին ոսկե եւ արծաթե մեդալներով: Համլետ Մանուկյանի պատվին հնչեց Հայաստանի հիմնը:
Քիչ անց կմեկնարկի օղակների վարժության եզրափակիչը, որտեղ Հայաստանն ունի երկու ներկայացուցիչ՝ Վահագն Դավթյան եւ Արթուր Ավետիսյան:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.