ԵԱ․ Հայաստանի 5 մարմնամարզիկ եզրափակիչում է
23:38 27 մայիսի, 2025Հայաստանի 5 ներկայացուցիչ դուրս եկավ սպորտային մարմնամարզության Եվրոպայի առաջնության եզրափակիչ:
Գերմանիայի Լայպցիգ քաղաքում մայիսի 26-ից մեկնարկած Եվրոպայի առաջնությունում երկրորդ մրցումային օրը պայքարը սկսեցին Հայաստանի ներկայացուցիչները:
Հակոբ Սերոբյանի գլխավորած թիմը Եվրոպայի առաջնությունում մասնակցեց թիմային պայքարի մրցաշարում: Առանձին գործիքներում որակավորման փուլի արգելքը հաղթահարեցին Արթուր Դավթյանը, Վահագն Դավթյանը, Արթուր Ավետիսյանը, Համլետ Մանուկյանը եւ Մամիկոն Խաչատրյանը:
Օլիմպիական խաղերի արծաթե եւ բրոնզե մեդալակիր, աշխարհի չեմպիոն, Եվրոպայի կրկնակի չեմպիոն, աշխարհի եռակի գավաթակիր Արթուր Դավթյանը հենացատկի վարժությունում վաստակեց 14.516 միավոր եւ երկրորդ տեղով դուրս եկավ եզրափակիչ:
Երիտասարդների աշխարհի կրկնակի չեմպիոն, Եվրոպայի չեմպիոն, աշխարհի գավաթակիր Համլետ Մանուկյանը նժույգ թափեր վարժությունում վաստակեց 14.566 միավոր եւ առաջին տեղով եզրափակիչում է: Երիտասարդների աշխարհի փոխչեմպիոն, Եվրոպայի բրոնզե մեդալակիր Մամիկոն Խաչատրյանն այս վարժությունում որակավորման փուլում վաստակեց 14.400 միավոր:
Օղակների վարժությունում Արթուր Ավետիսյանը հավաքեց 14.300 միավոր, Եվրոպայի կրկնակի փոխչեմպիոն Վահագն Դավթյանը՝ 13.866 միավոր:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.