Նաիր Թիկնիզյան․ Կխնդրեմ, որ ինձ բաց թողնեն
09:35 20 մայիսի, 2025Հայաստանի հավաքականի պաշտպան Նաիր Թիկնիզյանը վճռական է տրամադրված ամռանը Մոսկվայի «Լոկոմոտիվից» հեռանալու հարցում։
«Ես լավ վերաբերմունք ունեմ «Լոկոմոտիվի» նկատմամբ եւ շնորհակալ եմ գլխավոր մարզիչին, բայց այսօրվա դրությամբ ես նույնիսկ ռոտացիայի խաղացող չեմ։ Այս իրավիճակը պետք է արժանապատվորեն ընդունել։ Ես հասկանում եմ ամբողջ վիճակը։ Մրցաշրջանի ավարտից հետո կլինի երկխոսություն, որով ինքս կգնամ ղեկավարության մոտ։ Կխնդրեմ, որ ինձ բաց թողնեն։
Ծիծաղելի է կարդալ նորություններ Եվրոպայի մասին, երբ չեմ խաղում։ Ի՞նչ «Վերոնա», ի՞նչ «Սեւիլիա»։ Ես ինձ վերջին անպիտանն եմ զգում։ Կարելի է շատ մարզվել մարզասարքերի վրա, անհատապես խաղադաշտում, բայց առանց խաղային պրակտիկայի ֆուտբոլիստը մահացած է։ Պետք է առաջ շարժվել»,- Նաիր Թիկնիզյանի խոսքը մեջբերում է championat.com-ը։
2025 թվականին Նաիր Թիկնիզյանը մեկ անգամ է «Լոկոմոտիվի» մեկնարկային կազմում անցկացրել 90 րոպե։ Նա կամ փոխարինման է դուրս գալիս, կամ մնում պահեստայինների նստարանին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.