«Ինտերը» ոչ ոքի խաղաց «Լացիոյի», «Նապոլին»՝ «Պարմայի» հետ (տեսանյութ)
00:54 19 մայիսի, 2025Իտալիայի առաջնության նախավերջին տուրում չեմպիոն «Ինտերը» Միլանում մրցեց Հռոմի «Լացիոյի» հետ։ Գրանցվեց ոչ ոքի 2:2 հաշվով։
Առաջին խաղակեսի երկրորդ րոպեին հանդիպման հաշիվը բացեց «Ինտերի» գերմանացի պաշտպան Յան Բիսեկը։ 76-րդ րոպեին պատասխան գոլը խփեց իսպանացի հարձակվող Պեդրո Ռոդրիգեսը։
Իտալացի Սիմոնե Ինձագիի գլխավորած թիմին հաշվի մեջ առաջ մղեց հոլանդացի պաշտպան Դենզել Դյումֆրիսի գոլը 80-րդ րոպեին։ Սակայն հիմնական ժամանակի վերջին րոպեին Պեդրոն 11-մետրանոցից դուբլ ձեւակերպեց։
Հայաստանի հավաքականի նախկին ավագ, կիսապաշտպան Հենրիխ Մխիթարյանն «Ինտերի» մեկնարկային կազմում էր եւ փոխարինվեց ավելացված առաջին րոպեին։
«Ինտերը» 78 միավորով երկրորդ տեղում է եւ 1 միավոր հետ առաջատար «Նապոլիից», որն արտագնա խաղում 0:0 հաշվով ոչ ոքի խաղաց «Պարմայի» հետ։
Իտալիայի առաջնություն, 37-րդ տուր
«Ինտեր» - «Լացիո»՝ 2:2 (տեսանյութ)
Յան Բիսեկ, 45+2, Դենզե Դյումֆրիս, 80 - Պեդրո Ռոդրիգես, 76, 90, 11մ
«Պարմա» - «Նապոլի»՝ 0:0
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.