Պրեմիեր լիգայից հեռացված «Վեստ Արմենիայի» մրցակիցներին կշնորհվի հաղթանակ 3:0 հաշվով
13:08 16 մայիսի, 2025ՀՖՖ Կարգապահական և էթիկայի կոմիտեն որոշել է ՝ «Վեստ Արմենիային» գրանցել տեխնիկական պարտություն 0:3 հաշվով՝ Fastex Պրեմիեր լիգայի 30-րդ տուրի «Արարատ-Արմենիայի» հետ խաղին չներկայանալու համար։
«Վեստ Արմենիայի»՝ երկու խաղին չներկայանալու հետևանքով, թիմը հեռացվում է Fastex Պրեմիեր լիգայից (2024/25 մրցաշրջան)։
Միաժամանակ տեղեկացվում է, որ համաձայն ՀՖՖ Պրոֆեսիոնալ ֆուտբոլի մրցումների անցկացման կանոնակարգի (2024/25 մրցաշրջան), 26.06 կետի՝ այն թիմերին, որոնք առաջնության մնացած հատվածում պետք է հանդիպեին հեռացված թիմի հետ, բոլոր այդ խաղերում կգրանցվի տեխնիկական հաղթանակ՝ 3:0 հաշվով։
31-րդ տուրում «Վեստ Արմենիան» պետք է հանդիպեր «Ալաշկերտի», 32-րդ տուրում՝ «Գանձասարի», 33-րդ տուրում՝ «Շիրակի» հետ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.