ՉԼ․ ՊՍԺ-ն երկրորդ խաղում էլ հաղթեց «Արսենալին» եւ եզրափակիչում է (տեսանյութ)
00:55 8 մայիսի, 2025Ֆրանսիայի չեմպիոն ՊՍԺ-ն դուրս եկավ Չեմպիոնների լիգայի եզրափակիչ։
Իսպանացի Լուիս Էնրիկեի գլխավորած թիմը կիսաեզրափակիչի պատասխան խաղում Անգլիայի փոխչեմպիոն Լոնդոնի «Արսենալին» հաղթեց 2:1 հաշվով։
Փարիզում տեղի ունեցած հանդիպման 27-րդ րոպեին հաշիվը բացեց ՊՍԺ-ի իսպանացի կիսապաշտպան Ֆաբիան Ռուիսը (տեսանյութ)։
69-րդ րոպեին «Արսենալի» դարպասին նշանակված 11-մետրանոցը չկարողացավ արդյունավետ իրացնել պորտուգալացի կիսապաշտպան Վիտինյան։
72-րդ րոպեին դաշտի տերերի առավելությունը կրկնապատկեց մարոկկացի պաշտպան Աշրաֆ Հակիմին (տեսանյութ)։
76-րդ րոպեին հաշվի տարբերությունը կրճատեց «Արսենալի» անգլիացի հարձակվող Բուկայո Սական (տեսանյութ)։
Առաջին խաղում ՊՍԺ-ն հաղթել էր 1:0 հաշվով։
Մայիսի 31-ին Մյունխենում անցկացվելիք եզրափակիչում ՊՍԺ-ի մրցակիցը կլինի Իտալիայի չեմպիոն Միլանի «Ինտերը», որը կիսաեզրափակիչում հաղթահարել է Իսպանիայի փոխչեմպիոն «Բարսելոնայի» արգելքը (3:3, 4:3)։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.