ՀԱՕԿ նախագահ Գագիկ Ծառուկյանը շնորհավորել է Վարազդատ Լալայանին
20:40 21 ապրիլի, 2025Հայաստանի ազգային օլիմպիական կոմիտեի նախագահ Գագիկ Ծառուկյանը ֆեյսբուքյան գրառումով շնորհավորել է ծանրորդ Վարազդատ Լալայանին երկրորդ անգամ Եվրոպայի չեմպիոնի տիտղոսը նվաճելու առթիվ։
«Եվս մեկ ոսկի Եվրոպայի առաջնությունում։
Վարազդատ Լալայանը հռչակվեց Եվրոպայի կրկնակի չեմպիոն:
Տարիների գրագետ ու հետևողական աշխատանքը տալիս է իր արդյունքները: Արժանապատիվ ու վաստակած հաղթանակ է սա։
Շնորհավորում եմ Վարազդատին, նրա մարզիչներին, ինչպես նաև Վարազդատի ծնողներին` հայ ազգին նման զավակ պարգևելու համար:
Մեր մեծ հաղթանակները դեռ առջևում են»,- գրել է Գագիկ Ծառուկյանը:
Մոլդովայի մայրաքաղաք Քիշնեւում ավարտված ծանրամարտի Եվրոպայի առաջնությունում Հայաստանը նվաճեց երկամարտի 10 մեդալ՝ 2 ոսկի, 6 արծաթ եւ 2 բրոնզ: Փոքր մեդալները միասին հայ ծանրորդները Քիշնեւից վերադառնում են 27 մեդալով: Թիմային հաշվարկում Հայաստանը երրորդն է։
Հայաստանի հավաքականի կազմում ոսկե մեդալակիրներ դարձան Վարազդատ Լալայանը (450, 210+240) եւ Գարիկ Կարապետյանը (411 կգ, 185 + 226), արծաթե մեդալներ են նվաճել՝ Ալեքսանդրա Գրիգորյանը (202, 85+117), Գոռ Սահակյանը (338, 153+185), Ռաֆիկ Հարությունյանը (343 կգ, 158+185), Աննա Ամրոյանը (231 կգ, 100+131), Սիմոն Մարտիրոսյանը (406 կգ, 180+225) եւ Լիանա Գյուրջյանը (246 կգ, 106+140):
Բրոնզե մեդալակիրներ են դարձել Գառնիկ Չոլակյանը (275 կգ, 124+151) եւ Դավիթ Հովհաննիսյանը (376 կգ, 173+203):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.