Մեսի․ Գվարդիոլան փոխեց ֆուտբոլը
10:54 18 ապրիլի, 2025Աշխարհի չեմպիոն եւ Ամերիկայի գավաթակիր Արգենտինայի հավաքականի ավագ, ամերիկյան «Ինտեր Մայամիի» հարձակվող Լիոնել Մեսին դրվատանքով է խոսել Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլայի մասին, որի ղեկավարությամբ հանդես է եկել «Բարսելոնայում»։
«Գվարդիոլան այլ աշխարհ է։ Նա տեսնում է այն, ինչ ոչ ոք չի տեսնում։ Նա փոխեց ֆուտբոլը։ Բոլորը ցանկանում էին կրկնօրինակել մեզ։ Իրականում, նա այդ տեսանկյունից վնաս է տվել խաղին․ մարդիկ ձգտում էին խաղալ մեր «Բարսելոնայի» նման՝ չհասկանալով, թե ինչպես անել դա։
Մենք առանձնահատուկ թիմ ունեինք Չավիի, Ինիեստայի եւ Բուսկետսի օգնությամբ կիսապաշտպանությունում։ Մարզիչի եւ խաղացողների կատարյալ համադրություն էր»,- Մեսիի խոսքը մեջբերում է Sportskeeda-ն։
Գվարդիոլան «Բարսելոնան» գլխավորել է 2008-2012-ին՝ դառնալով Իսպանիայի եռակի չեմպիոն ու սուպերգավաթակիր, կրկնակի գավաթակիր, Չեմպիոնների լիգայի կրկնակի հաղթող, Եվրոպայի կրկնակի սուպերգավաթակիր։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.