Հայաստանի գավաթ. «Նոան» առաջին խաղում հաղթեց «Վանին» (տեսանյութ)

20:47   16 ապրիլի, 2025

Հայաստանի գավաթի խաղարկության կիսաեզրափակիչի առաջին խաղում «Նոան» Աբովյանում ընդունեց Չարենցվանի «Վանին» և առավելության հասավ 2:0 հաշվով:

Հանդիպման հաշիվը 36-րդ րոպեին բացեց «Նոայի» բրազիլացի հարձակվող Մաթեուս Այասը՝ խփելով առաջին խաղակեսի միակ գոլը: Առաջին խաղակեսի ավելացված ժամանակի 16-րդ րոպեին խաղադաշտից հեռացվեց «Վանի» դարպասապահ Արսեն Բեգլարյանը, որը կոպիտ խախտում էր թույլ տվել սեփական տուգանային հրապարակից դուրս: Խաղի գլխավոր մրցավարը VAR համակարգով կրկնապատկերը դիտելուց հետո չեղարկեց «Նոայի» խփած երկրորդ գոլը, կարմիր քարտ ցույց տվեց Բեգլարյանին ու նշանակեց տուգանային հարված: Մինչև այդ թիմերի միջև հրմշտոց էր տեղի ունեցել դադարի ժամանակ:


Ընդմիջումից հետո դաշտի տերերն ունեին նկատելի առավելություն, որը գոլի վերածեցին 89-րդ րոպեին: Խաղի վերջնական հաշիվը ձևակերպեց մարոկկացի կիսապաշտպան Ուլադ Օմարը, իսկ պորտուգալացի վինգեր Հելդեր Ֆերեյրան կատարեց երկրորդ գոլային փոխանցումը:


Պատասխան հանդիպումը կկայան ապրիլի 30-ին Չարենցվանում:


Հիշեցնենք, որ Հայաստանի գավաթի խաղարկության եզրափակիչի մյուս ուղեգիրը վիճակում են Երևանի «Փյունիկն» ու «Արարատ-Արմենիան»: Առաջին խաղում «Արարատ-Արմենիան» արտագնա հաղթանակ է տարել 2:0 հաշվով:


Հայաստանի գավաթ, կիսաեզրափակիչի առաջին հանդիպում


«Նոա» - «Վան»՝ 2:0


Մաթեուս Այաս, 36, Ուլադ Օմար, 89

Հեռացում՝ Արսեն Բեգլարյան, 45+16 («Վան»)



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.