Ռուբեն Նազարեթյան. Վիճակահանության արդյունքը նորմալ է, պետք է պայքարել

20:54   4 դեկտեմբերի, 2012

Պետք է պայքարել, նորմալ խումբ է, ասել է ֆուտզալի Հայաստանի հավաքականի գլխավոր մարզիչ Ռուբեն Նազարեթյանը՝ ՀՖՖ մամուլի ծառայության հետ զրույցում մեկնաբանելով դեկտեմբերի 4-ին Նիոնում, ՈւԵՖԱ-ի գրասենյակում տեղի ունեցած ֆուտզալի 2014 թ. Եվրոպայի առաջնության որակավորման փուլի վիճակահանությունը:

Հիշեցնենք, որ ֆուտզալի Հայաստանի հավաքականը պայքարը կսկսի առաջին որակավորման փուլից, որտեղ ընդգրկվել է D խմբում: Մրցաշարը տեղի կունենա Բուլղարիայում։ Հայաստանի հավաքականի մրցակիցները կլինեն Բուլղարիայի, Ուելսի եւ Հունաստանի թիմերը:

Պարոն Նազարեթյան, ինչպե՞ս կգնահատեք վիճակահանության արդյունքները։

Նորմալ: Պետք է պայքարել:

Ի՞նչ գիտեք մեր թիմի մրցակիցների մասին։

Ուելսի հավաքականի մասին տեղեկություններ չունեմ, իսկ Բուլղարիայի եւ Հունաստանի հետ մենք հանդիպել ենք պաշտոնական մրցաշարերում եւ երկու խաղն էլ ավարտել ենք ոչ ոքի` 2:2 հաշվով: 

Ինչպե՞ս է թիմը նախապատրաստվելու մրցաշարին։

Մենք պլանավորում ենք ընկերական հանդիպում անցկացնել եւ սպասում էինք վիճակահանության արդյունքներին, որպեսզի ընտրենք մեր մրցակիցների հետ նույն խաղաոճով հանդես եկող թիմ: Եթե դեկտեմբերին չհաջողվի խաղալ, ապա արդեն հունվարին կանցկացնենք այդ հանդիպումը եւ կմեկնենք Բուլղարիա:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։