Զանգվածային անկարգություն «Դինամո Արենայում» Վրաստան - Հայաստան խաղից հետո՝ ուղիղ
20:00 23 մարտի, 2025Ազգերի լիգայի Վրաստան - Հայաստան հանդիպումից հետո «Դինամո Արենայում» զանգվածային անկարգություններ սկսվեցին: Երկրպագուները մեծ հոսքով լցվեցին խաղադաշտ: Սկզբում վրացի երկրպագուները վազում էին խաղադաշտ իրենց սիրելի ֆուտբոլիստների հետ լուսանկարվելու, մարզաշապիկ ստանալու հույսով, բայց երբ Վրաստանի հավաքականը հեռացավ մարզադաշտից, վրացի երկրպագուները սկսեցին անկանոն վազել ամբողջ խաղադաշտով: Այդ ընթացքում Հայաստանից ժամանած երկրպագուներին թույլ չէին տալիս լքել իրենց տեղերը, մինչեւ վրացի երկրպագուները կհեռանան: Այդպես արվում է՝ անվտանգության կանոններից ելնելով:
Վրացի երկրպագուներն, օգտվելով առիթից, վազեցին դեպի հայ երկրպագուների սեկցիան եւ սկսեցին սադրել, հայհոյել եւ միջնամատ մատ ցույց տալ: Իրավիճակը լարվեց, երկրու երկրների հավաքականների երկրպագուները միմյանց վրա շշեր եւ այլ իրեր նետեցին:
Անվտանգության աշխատակիցները եւ կարգադրիչները չէի կարողանում կարգի հրավիրել խաղադաշտ դուրս եկած վրացի երկրպագուներին: Հայ եւ վրացի ֆանատների հարցերի պարզաբանումը տեղափոխվեց խաղադաշտից դուրս, որի մանրամասները դեռ հայտնի չեն: Այդ ընթացքում որեւէ ոստիկան, ոստիկանական խումբ չմտավ մարզադաշտ, չսաստեց վրացի երկրպագուներին:
Վրաստանի հավաքականը հաղթել է 6:1 հաշվով։
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.