ԱԱ․ Էլիդա Քոչարյանի հաղթական մեկնարկը
00:44 10 մարտի, 2025Էլիդա Քոչարյանը վստահ հաղթանակով մեկնարկեց Սերբիայում անցկացվող կանանց բռնցքամարտի աշխարհի առաջնությունում: Հայաստանի չորս ներկայացուցիչներից առաջինը ռինգ դուրս եկած Եվրոպայի մինչեւ 23 տարեկանների կրկնակի չեմպիոն, 60 կգ քաշային Էլիդա Քոչարյանը 1/16 եզրափակիչում 5:0 հաշվով հաղթեց ռումինացի Կլաուդիա Նեչիտային:
Վազգեն Բադալյանի գլխավորած հավաքականից աշխարհի առաջնությանը կմասնակցեն նաեւ Եկատերինա Սիչեւան, Անուշ Գրիգորյանը եւ Սոնա Հարությունյանը:
54 կգ քաշային կարգում Եկատերինա Սիչեւայի (Հայաստան) մրցակիցը 1/16 եզրափակիչում կլինի ադրբեջանցի Ռահիմովան։
50 կգ քաշային Անուշ Գրիգորյանը 1/8 եզրափակիչում կմրցի Ան (Հյուսիսային Կորեա) - Բրիտո (Վենեսուելա) զույգի հաղթողի հետ։
63 կգ քաշային Սոնա Հարությունյանը նույնպես պայքարը կսկսի 1/8 եզրափակիչից։ Նրա մրցակիցը կլինի Սորոկինա (Լատվիա) - Բոբոյորովա (Տաջիկստան) դիմակայության հաղթողը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.