Համահայկական ձմեռային խաղերի ջահը վառել է աշխարհի չեմպիոն Վարազդատ Լալայանը (տեսանյութ)
21:36 1 փետրվարի, 2025Ջերմուկում տեղի ունեցավ Համահայկական երկրորդ ձմեռային խաղերի բացման արարողությունը:
Փետրվարի 1-7-ը անցկացվող ձմեռային երկրորդ խաղերին մասնակցում է շուրջ 1300 մարզիկ 19 երկրից:
7 օր մարզիկները կպայքարեն 7 մարզաձեւում՝ լեռնադահուկային սպորտ, դահուկավազք, սնոուբորդ, շախմատ, հոկեյ, սպորտային պարեր եւ ձնամարտ:
Ջերմուկում անցկացված բացման արարողության ժամանակ Համահայկական երկրորդ ձմեռային խաղերի դրոշը բերել է ծանրամարտի Եվրոպայի չեմպիոն Հռիփսիմե Խուրշուդյանը: Խաղերի ջահը վառել է Փարիզի Օլիմպիական խաղերի փոխչեմպիոն, աշխարհի եւ Եվրոպայի չեմպիոն, ծանրորդ Վարազդատ Լալայանը:
Խաղերի ջահը վառվել էր 2025 հունվարի 18-ին Նորավանքում, որտեղից հասել է Ջերմուկ: Ջահի փոխանցմանը մասնակցել են Փարիզի Օլիմպիական խաղերի փոխչեմպիոն, Տոկիո-2020 բրոնզե մեդալակիր Արթուր Դավթյանը, Եվրոպայի կրկնակի փոխչեմպիոն, Փարիզի Օլիմպիական խաղերի մասնակից Վահագն Դավթյանը, աշխարհի բրոնզե մեդալակիր, Եվրոպայի չեմպիոն Ալեքսանդրա Գրիգորյանը եւ երիտասարների աշխարհի եւ Եվրոպայի չեմպիոն Էմմա Պողոսյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.