«Ինտերը» Միլանում ոչ ոքի խաղաց «Բոլոնիայի» հետ (տեսանյութ)
01:45 16 հունվարի, 2025Իտալիայի առաջնության 19-րդ տուրից տեղափոխված խաղում չեմպիոն «Ինտերը» Միլանում մրցեց «Բոլոնիայի» հետ։ Գրանցվեց ոչ ոքի՝ 2:2:
Առաջինը հաջողության հասան հյուրերը արգենտինացի հարձակվող Սանտիագո Կաստրոյի հարվածի շնորհիվ։ 4 րոպե անց հավասարությունը վերականգնեց հոլանդացի պաշտպան Դենզել Դյումֆրիսը։ Առաջին խաղակեսի ավելացված ժամանակում «Ինտերին» առաջ մղեց աշխարհի չեմպիոն Արգենտինայի հավաքականի հարձակվող Լաուտարո Մարտինեսը։ «Բոլոնիան» պարտությունից խուսափեց 64-րդ րոպեին շվեդ կիսապաշտպան Էմիլ Հոլմի խփած գոլի շնորհիվ։
Հայաստանի հավաքականի նախկին ավագ, «Ինտերի» կիսապաշտպան Հենրիխ Մխիթարյանը ազդրի մկանային վնասվածքի պատճառով բաց թողեց երկրորդ հանդիպումն անընդմեջ։
«Ինտերը» 44 միավորով երկրորդն է, «Բոլոնիան» 8-րդն է՝ 30 միավոր։
Իտալիայի առաջնություն, 19-րդ տուր
«Ինտեր» - «Բոլոնիա»՝ 2:2 (տեսանյութ)
Դենզել Դյումֆրիս, 19, Լաուտարո Մարտինես, 45+1 - Սանտիագո Կաստրո, 15, Էմիլ Հոլմ, 64
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.