WTA-250. Էլինա Ավանեսյանն առանց պայքարի կիսաեզրափակիչում է

10:15   9 հունվարի, 2025

Աշխարհի 44-րդ ռակետ, Հայաստանի ներկայացուցիչ Էլինա Ավանեսյանն առանց պայքարի դուրս եկավ Ավստրալիայի Հոբարթ քաղաքում անցկացվող WTA-250 մրցաշարի կիսաեզրափակիչ։

Մրցաշարի մամուլի ծառայությունը հայտնում է, որ քառորդ եզրափակիչում Էլինա Ավանեսյանի մրցակից, աշխարհի 36-րդ ռակետ, ամերիկացի Ամանդա Անիսիմովան վատառողջ լինելու պատճառով դուրս է եկել պայքարից։ Մրցախաղը պետք է տեղի ունենար հունվարի 9-ին։

Կիսաեզրափակիչում Էլինա Ավանեսյանի մրցակիցը կլինի աշխարհի 67-րդ ռակետ, ամերիկացի Մաքարթնի Քեսլերը, որը քառորդ եզրափակիչում 7:5, 6:4 հաշվով պարտության մատնեց աշխարհի 33-րդ ռակետ, ուկրաինացի Դայանա Յաստրեմսկայային։

Հոբարթի մրցաշարի մրցանակային հիմնադրամը 275 հազար դոլար է։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.