Հայաստանն առաջին մեդալն է նվաճել պարադահուկավազի միջազգային մրցումներում
15:34 2 դեկտեմբերի, 2024Պարադահուկավազորդ Գարիկ Մելքոնյանն (Աշոցք) առաջին անգամ Հայաստանի պարադահուկավազքի (LW6) պատմության մեջ գրավեց երրորդ տեղը Նորվեգիայում անցկացվող միջազգային վարկանիշային մրցաշարում, հաղորդում է Հայաստանի դահուկային սպորտի ֆեդերացիայի ֆեյսբուքյան էջը։
Գարիկ Մելքոնյանը նորամուտն է նշել միջազգային մրցաշարերում և Հայաստանի պարադահուկավազքում երբևէ վաստակած առաջին մեդալը։
Ֆեդերացիան շնորհավորել է մարզիկին և մարզիչներ Արթուր և Ալլա Միքայելյաններին, Թադևոս Պողոսյանին։
Գարիկ Մելքոնյանը կմասնակցի հունվարին Թուրինում կայանալիք XXXII Համաշխարհային ուսանողական ձմեռային մարզական խաղերին, որտեղ ի դեպ, հաշմանդամային սպորտն առաջին անգամ է ընդգրկված լինելու, նաև փետրվար-մարտին Նորվեգիայում կայանալիք պարադահուկավազքի աշխարհի գավաթին և աշխարհի առաջնությանը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.