«Շախտյորը» ցանկանում է գնել «Սենտ Էթյենի» հարձակվողին

14:09   29 նոյեմբերի, 2012

Ֆրանսիական «Սենտ Էթյենի» հարձակվող Մաքս-Ալեն Գրադելը կարող է համալրել Դոնեցկի «Շախտյորի» շարքերը, հայտնում է Goal.com-ը: 24-ամյա ֆուտբոլիստի տրանսֆերի շուրջ բանակցությունները կսկսվեն մոտ ապագայում: Հնարավոր գործարքի ֆինանսական մանրամասները հայտնի չեն:

Մաքս-Ալեն Գրադելի գործող պայմանագիրը ֆրանսիական ակումբի հետ լրանում է 2015-ին: Ավելի վաղ տեղեկություններ էին տարածվել, որ նա կարող է վերադառնալ անգլիական «Լիդս»:

Ավելացնենք, որ Ֆրանսիայի ընթացիկ առաջնությունում «Սենտ Էթյենը» 14 տուրից հետո զբաղեցնում է չորրորդ տեղը: 

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։