ATP Finals. 2 տուրից հետո բոլոր մասնակիցները պահպանում են կիսաեզրափակիչ դուրս գալու հնարավորությունը
10:07 14 նոյեմբերի, 2024Թուրինում (Իտալիա) ընթացող Պրոֆեսիոնալ թենիսիստների ասոցիացիայի (ATP) տարվա ամփոփիչ առաջնության խմբային փուլի երկու տուրից հետո 8 մասնակիցներն էլ պահպանում են կիսաեզրափակիչ դուրս գալու հնարավորությունը։
«Իլիե Նաստասե» խմբում իտալացի Յանիկ Սիները տարել է երկու հաղթանակ, ամերիկացի Թեյլոր Ֆրիցն ու ռուսաստանցի Դանիիլ Մեդվեդեւն ունեն մեկական հաղթական։ Ավստրալացի Ալեքս դե Մինորը կրել է երկու պարտություն։
«Ջոն Նյուքոմբ» խմբում երկու հաղթանակ է տարել Գերմանիայի ներկայացուցիչ Ալեքսանդր Զվերեւը։ Մեկական հաղթանակ ունեն նորվեգացի Կասպեր Ռուուդն ու իսպանացի Կառլոս Ալկարասը։ Երկու պարտություն է կրել ռուսաստանցի Անդրեյ Ռուբլյովը։
ATP Finals-ի մրցանակային հիմնադրամը 15,250 միլիոն դոլար է։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.