Տարին ավարտված է Յուրա Մովսիսյանի համար

16:28   28 նոյեմբերի, 2012

Հայաստանի ազգային հավաքականի եւ ռուսական «Կրասնոդարի» ռմբարկու Յուրա Մովսիսյանը մինչեւ տարեվերջ խաղադաշտ դուրս չի գա: Այդ մասին հայտարարել է «Կրասնոդարի» գլխավոր մարզիչ Սլավոլյուբ Մուսլինը: Սերբ մասնագետի խոսքով՝ 25-ամյա հարձակվողը շարունակվում է ապաքինվել կրնկի վնասվածքից։

«Մովսիսյանի վնասվածքն այնքան լուրջ չէ, ինչքան կարող էր լինել, սակայն նա դեռ շարունակում է վերականգնվել: Կարծում եմ` նա լիովին կապաքինվի 15-20 օրից, ինչը նշանակում է, որ Յուրան չի խաղա մինչեւ տարեվերջ։ Չենք պատրաստվում ռիսկի դիմել: Ապաքինվելուց հետո Մովսիսյանը թիմի հետ կնախապատրաստվի առաջնության մյուս հատվածին, եթե, իհարկե, մնա «Կրասնոդարում»,- Սլավոլյուբ Մուսլինի խոսքը փոխանցում է «Р-Спорт»-ը։

Ռուսաստանի ընթացիկ առաջնությունում Մովսիսյանը մասնակցել է 13 հանդիպման եւ դարձել է 9 գոլի հեղինակ։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.