Սեբաստիան Ֆետելը կարող է զրկվել աշխարհի չեմպիոնի տիտղոսից
10:13 28 նոյեմբերի, 2012Ֆորմուլա-1-ի «Ռեդ Բուլ» թիմի գերմանացի ավտոարշավորդ Սեբաստիան Ֆետելը կարող է զրկվել 2012թ. աշխարհի չեմպիոնի տիտղոսից։ Բրազիլիայի Մեծ մրցանակում գերմանացին անթույլատրելի հնարքի է դիմել վազանց կատարելու ժամանակ, գրում է AS-ը։
Նոյեմբերի 27-ին հրապարակվել են այդ դրվագի տեսանյութն ու լուսանկարները, երբ Ֆետելը շրջանցում է «Տորո Ռոսո» թիմի բոլիդին։ Տեսանյութում երեւում է, որ գերմանացին վազանց է կատարում դեղին լույսի վառվելուց հետո։ Դեղին լույսի ժամանակ չի թույլատրվում շրջանցել այս բոլիդների։
Եթե Ֆետելի խախտումը հաստատվի, ապա նա ընդհանուր հաշվարկում կկորցնի միավորներ, ինչը «Ֆերարիի» իսպանացի ավտոարշավորդ Ֆերնանդո Ալոնսոյին թույլ կտա շրջանցել գերմանացուն՝ զրկելով նրան աշխարհի չեմպիոնի տիտղոսից։
«Ֆերարին» դեռ բողոք չի ներկայացրել, սակայն կարող է դա անել մինչեւ 2013-ին նոյեմբերի 30-ը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.