Գիշերային ակումբում զվարճանալու համար Արտյոմ Միլեւսկին հանվել է վաճառքի

Ուկրաինայի հավաքականի 27-ամյա հարձակվող Արտյոմ Միլեւսկին վաճառվում է, հայտարարել է Կիեւի «Դինամոյի» նախագահ Իգոր Սուրկիսը: Կիեւի «Արսենալի» հետ հանդիպումից 40 ժամ առաջ ինտերնետում հայտնվել է Միլեւսկու լուսանկարը Միլոշ Նինկովիչի եւ Բադրա Կադուրիի հետ Serebro գիշերային ակումբի Dance On The Table շոուի ժամանակ: Նինկովիչն ու Կադուրին արդեն համարվում էին ակումբի համար ոչ անհրաժեշտ խաղացողներ: Միլեւսկու վերաբերյալ որոշումն ընդունվել է պրոֆեսիոնալ գործունեության հետ անհամատեղելի վարքի համար, հաղորդում է «Սեգոդնյան»:

Միլեւսկու նկատմամբ հետաքրքրություն են ցուցաբերում թուրքական «Բեշիքթաշը» եւ «Դնեպրը»: