Էլինա Ավանեսյանը Երեւանում նշեց ծննդյան տարեդարձը (ֆոտո, վիդեո)
16:47 17 սեպտեմբերի, 2024Հայաստանի ներկայացուցիչ, Կանանց թենիսի ասոցիացիայի (WTA) վարկանիշային աղյուսակում 49-րդ ռակետ Էլինա Ավանեսյանը Երեւանում երկրորդ մարզումն անցկացրեց:
«Կերոն» զարգացման հիմնադրամի, Հայաստանի թենիսի ֆեդերացիայի և ՀՀ ԿԳՄՍ նախարարության աջակցությամբ ՀՀ քաղաքացիություն ստացած թենիսիտուհին հայրենիքում մարզումներն անցկացնում է Վահագնի թաղամասում:
Երկրորդ մարզումային օրը՝ սեպտեմբերի 17-ը համընկել էր Էլինայի ծննդյան օրվա հետ: Այսօր թենիսիստուհին նշում է ծննդյան 22-րդ տարեդարձ: Այս կապակցությամբ Հայաստանի թենիսի ֆեդերացիան, «Կերոն» հիմնադրամի ներկայացուցիչներն անակնկալ էին պատրաստել եւ ծննդյան տորրթով նրան դիմավորեցին կորտերում:
Էլինայի հետ մարզմանը եկել էին նաեւ նրա ծնողները: Թենիսիտուհին կորտերում փչեց ծննդյան տորթի մոմերը ապա նոր սկսեց մարզումները: NEWS.am Sport-ը նույնպես հետեւց փակ մարզմանը: Երեւանում Էլինան պատրաստվում է Չինաստանի մայրաքաղաք Պեկինում սեպտեմբերի 25-ին մեկնարկելիք WTA-1000 շարքի China Open մրցաշարին:
Լուսինե Շահբազյան
Լուսանկարները՝ Էմմա Ասատրյանի
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.