Ազգերի լիգա․ Հայաստանի հավաքականի հաղթական մեկնարկը` 4:1 (ֆոտո, վիդեո)

21:53   7 սեպտեմբերի, 2024

Ֆուտբոլի Հայաստանի ազգային հավաքականը հաղթանակով մեկնարկեց Ազգերի լիգայում։

C լիգայի չորրորդ խմբի առաջին տուրում ուկրաինացի Ալեքսանդր Պետրակովի գլխավորած թիմն ընդունեց Լատվիայի հավաքականին եւ առավելության հասավ 4:1 հաշվով։

Երեւանի Վազգեն Սարգսյանի անվան «Հանրապետական» անցկացված հանդիպման հաշիվը 6-րդ րոպեին բացեց լեհական «Պոգոնի» կիսապաշտպան Վահան Բիչախչյանը։ Գոլային փոխանցումը կատարեց Մոսկվայի «Լոկոմոտիվի» պաշտպան Նաիր Թիկնիզյանը։

9-րդ րոպեին ինքնագոլի հեղինակ դարձավ Հայաստանի հավաքականի եւ ռուսական «Կրասնոդարի» պաշտպան Գեորգի Հարությունյանը։

35-րդ րոպեին սեփական դարպասը գրավեց Լատվիայի հավաքականի եւ լիտվական «Պանեւեժիսի» պաշտպան Կասպարս Դուբրան։

48-րդ րոպեին Հայաստանի հավաքականի երրորդ գոլը խփեց սաուդյան «Ալ Ֆատեհի» կիսապաշտպան Լուկաս Սելարայանը։

86-րդ րոպեին Մյոնխենգլադբախի «Բորուսիայի» հարձակվող Հրանտ-Լեոն Ռանոսի փոխանցումից հետո աչքի ընկավ ռուսական «Կրասնոդարի» կիսապաշտպան Էդուարդ Սպերցյանը։

Հայաստանի հավաքականը 3 միավորով չորրորդ խմբի առաջատարն է։ Այս խմբի առաջին տուրի մյուս խաղում Ֆարերյան կղզիների եւ Հյուսիսային Մակեդոնիայի հավաքականները խաղացել էին ոչ ոքի՝ 1:1:

Ազգերի լիգա, C լիգա, չորրորդ խումբ, առաջին տուր

Հայաստան - Լատվիա՝ 4:1 (տեսանյութ)

Վահան Բիչախչյան, 6, Կասպարս Դուբրա, 35, ինքնագոլ, Լուկաս Սելարայան, 48, Էդուարդ Սպերցյան, 86 - Գեորգի Հարությունյան, 9, ինքնագոլ

Լուսանկարները՝ Էմմա Ասատրյանի



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.