Ռահիմ Ստերլինգ․ «Արսենալը» կատարյալ տարբերակ է ինձ համար
13:15 31 օգոստոսի, 202429-ամյա անգլիացի եզրային հարձակվող Ռահիմ Ստերլինգը մեկնաբանել է տեղափոխությունը Լոնդոնի «Չելսիից» «Արսենալ»։ Նա վարձակալությամբ հանդես կգա իսպանացի Միկել Արտետայի գլխավորած թիմում մինչեւ այս մրցաշրջանի ավարտը։
«Անհավանական զգացողություններ ունեմ։ Ես ոգեւորված եմ։ «Արսենալը» կատարյալ տարբերակ է ինձ համար։ Մի փոքր ուշացած է, բայց ես հույս ունեի, որ սա տեղի կունենա։ Շատ ուրախ եմ, որ գործարքը կատարվեց։
Բոլորը տեսնում են «Արսենալի» տղաների անցած ուղին, նրանց ձգտումը։ Ես ցանկանում եմ դառնալ այդ միասնության մասնիկը»,- Ստերլինգի խոսքը մեջբերում է «Արսենալի» կայքը։
Անցած մրցաշրջանում Ռահիմ Ստերլինգը «Չելսիի» հետ մասնակցել է 43 հանդիպման, խփել է 10 գոլ, կատարել 8 գոլային փոխանցում։
Նրա պայմանագիրը «Չելսիի» հետ նախատեսված է մինչեւ 2027թ․ հունիս։ Transfermarkt-ը Ռահիմ Ստերլինգի տրանսֆերային արժեքը գնահատում է 35 միլիոն եվրո։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.