Փարիզ-2024. Վարազդատ Լալայանը երրորդն է պոկում վարժությունից հետո, Գոռ Մինասյանն առաջատարն է
23:35 10 օգոստոսի, 2024Ֆրանսիայի մայրաքաղաք Փարիզում ավարտվող 33-րդ ամառային Օլիմպիական խաղերում մեկնարկել է ծանրամարտի օլիմպիական մրցաշարի +102 կգ քաշայինների պայքարը, որտեղ Վարազդատ Լալայանը եւ Բահրեյնը ներկայացնող Գոռ Մինասյանը պայքարում են օլիմպիական մեդալների համար:
Ավարտվել է պոկում վարժությունը:
Եվրոպայի չեմպիոն, աշխարհի կրկնակի փոխչեմպիոն Վարազդատ Լալայանը պոկում վարժությունից հետո 3-րդն է: Ռիոյի Օլիմպիական խաղերի փոխչեմպիոն Գոռ Մինասյանը առաջինն է:
Պոկում վարժության առաջին մոտեցմամբ Լալայանը բարձրացրեց 210 կգ: Երկրորդ մոտեցման համար Փաշիկ Ալավերդյանը պատվիրեց 215 կգ: Վարազդատ Լալայանը հաջողությամբ պոկեց նաեւ 215 կգ-ն: Երրորդ մոտեցման համար պատվիրեցին 218 կգ, բայց Լալայանը չկարողացավ բարձրացնել:
Գոռ Մինասյանը նույնպես մեկնարկեց 210 կգո-վ: Երկրորդ մոտեցմամբ բարձրացրեց 216 կգ եւ շրջանցեց Լաշա Տալախաձեին: Երրորդ մոտեցմամբ ձախողեց 220 կգ-ը:
Լաշա Տալախաձեն մեկնարկեց 210 կգ-ով եւ հաջողությամբ պոկեց: Երկրորդ մոտեցմամբ բարձրացրեց 215 կգ: Երրորդ մոտեցման 220 կգ-ը ձախողեց:
Քիչ անց կմեկնարկի հրում վարժությունը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.