Փարիզ-2024. Թեւանյանին հաղթած մոնղոլ Տուլգան պարտվեց կիսաեզրափակիչում, հայ ըմբիշն ավարտեց պայքարը
20:57 10 օգոստոսի, 2024Աշխարհի բրոնզե մեդալակիր, Եվրոպայի չեմպիոն Վազգեն Թեւանյանը դուրս մնաց հետագա պայքարից:
Ազատ ոճի ըմբշամարտի օլիմպիական մրցաշարի 65 կգ քաշայինների քառորդ եզրափակիչում Թեւանյանին հաղթած աշխարհի բրոնզե մեդալակիր, Ասիական խաղերի չեմպիոն, Ասիայի կրկնակի փոխչեմպիոն, Մոնղոլիայի ներկայացուցիչ Տումուր Օչիրին Տուլգան պարտվեց կիսաեզրափակիչում: Վազգեն Թեւանյանը զրկվեց բրոնզե մեդալի համար հետագա պայքարից:
Աշխարհի բրոնզե մեդալակիր, Եվրոպայի չեմպիոն Վազգեն Թեւանյանը քառորզ եզրափակիչում ծանր գոտեմարտում 5:7 հաշվով էր պարտվել մոնղոլ ըմբիշին:
Մեկնարկային 1/8 եզրափակիչում Թեւանյանը 11:0 հաշվով հաղթել էր Վրաստանի ներկայացուցիչ Գոդերջի Ձեբիսաշվիլիին:
Ազատ ոճի ըմբշամարտի Հայաստանի թիմն առանց մեդալի ավարտեց պայքարը Փարիզի Օլիմպիական խաղերում:
Հաբեթնակ Կուրղինյանի գլխավորած հավաքականից Օլիմպիական խաղերի մասնակցության իրավունք էր նվաճել աշխարհի եռակի բրոնզե մեդալակիր, Եվրոպայի քառակի չեմպիոն Արսեն Հարությունյանը (57կգ): Փարիզ-2024-ում մեկ գոտեմարտ հաղթելուց հետո Արսեն Հարությունյանը չէր հաղթահարել երկրորդ շրջանը եւ նույնպես դուրս մնացել հետագա պայքարից:
15 մասնակցից բաղկացած Հայաստանի օլիմպիական հավաքականում պայքարի մեջ մնաց միայն +102 կգ քաշային ծանրորդ, Եվրոպայի չեմպիոն, աշխարհի փոխչեմպիոն Վարազդատ Լալայանը, որը մրցահարթակ դուրս կգա Երեւանի ժամանակով 22:30-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.