Փարիզ-2024. Գարիկ Կարապետյանը մեդալ չնվաճեց
15:38 10 օգոստոսի, 2024Եվրոպայի չեմպիոն Գարիկ Կարապետյանը 4-րդն է Փարիզի Օլիմպիական խաղերում:
Ֆրանսիայի մայրաքաղաքում անցկացվող 33-րդ ամառային Օլիմպիական խաղերի ծանրամարտի օլիմպիական մրցաշարի 102 կգ քաշայինների պայքարում Գարիկ Կարապետյանը երկամարտում գրանցեց 398 կգ արդյունք (186+212)
Պոկում վարժության առաջին մոտեցմամբ Կարապետյանը հաջողությամբ բարձրացրեց 180 կգ-ոց ծանրաձողը: Երկրորդ մոտեցման համար Փաշիկ Ալավերդյանը պատվիրեց 186 կգ, բայց Կարապետյանը ձախողեց: Երրորդ մտոեցման համար Հայաստանի մարզչական թիմը քաշը չփոխեց, Գարիկ Կարապետյանը մոտեցավ կրկին 186 կգ-ին եւ հաջողությամբ պոկեց ծանրաձողը:
Հրում վարժությունը Կարապետյանը մեկնարկեց 212 կգ-ով:
Առաջին մոտեցմամբ հաջողությամբ հրեց 212 կգ-ն։ Երկրորդ մոտեցման համար Փաշիկ Ալավերդյանը պատվիրեց 218 կգ: Գարիկ Կարապետյանը մոտեցավ, մեկնարկեց, բայց մրցավարները վառեցին կարմիր լույսը եւ թույլ չտվեցին շարունակել: Խախտում էին նկատել նրա վարժության մեկնարկում: Գյումրեցի ծանրորդը ձախողեց նաեւ երրորդ մոտեցումը եւ չկարողացավ հրել 218 կգ-ն:
Օլիմպիական չեմպիոնի տիտղոսը նվաճեց աշխարհի չեմպիոն, Ասիայի չեմպիոն, Չինաստանի ներկայացուցիչ Լիու Հուանհուան (406 կգ, 186+220) , արծաթե մեդալակիր՝ Տոկիոյի Օլիմպիական խաղերի չեմպիոն, աշխարհի կրկնակի չեմպիոն, Ասիայի փոխչեմպիոն ուզբեկ Ակբար Ջուրաեւ (404 կգ, 185+219), բրոնզե մեդալակիր՝ աշխարհի չեմպիոն, բրոնզե մեդալակիր, Եվրոպայի կրկնակի չեմպիոն, բելառուս Եվգենի Տիխոնցով (402 կգ, 183+219):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.