41-ամյա Պեպեն ավարտեց կարիերան
10:36 9 օգոստոսի, 202441-ամյա պորտուգալացի պաշտպան Պեպեն ավարտեց ֆուտբոլիստի պրոֆեսիոնալ կարիերան։ Նա այդ մասին գրառում է արել Ինստագրամում։
Նրա վերջին ակումբը պորտուգալական «Պորտուն» էր։ Ակումբային կարիերայի ընթացքում Պեպեն հանդես է եկել նաեւ պորտուգալական «Մարիտիմուում», Մադրիդի «Ռեալում» եւ թուրքական «Բեշիկթաշում»։
«Պորտուի» հետ Պեպեն դարձել է Պորտուգալիայի քառակի չեմպիոն, հնգակի գավաթակիր, եռակի սուպերգավաթակիր։ «Ռեալի» հետ նա դարձել է Իսպանիայի եռակի չեմպիոն, Չեմպիոնների լիգայի եռակի գավաթակիր, Իսպանիայի կրկնակի գավաթակիր եւ կրկնակի սուպերգավաթակիր, Եվրոպայի կրկնակի սուպերգավաթակիր, աշխարհի կրկնակի ակումբային չեմպիոն։
Պորտուգալիայի հավաքականում Պեպեն անցկացրել է 141 հանդիպում, դարձել է 2016թ․ Եվրոպայի չեմպիոն, 2019թ․ Ազգերի լիգայի գավաթակիր։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.