Փարիզ-2024. Ավստրալիան եւս 2 տիտղոս նվաճեց (տեսանյութ)
21:31 7 օգոստոսի, 2024Փարիզի Օլիմպիական խաղերում Ավստրալիան եւս երկու տիտղոս նվաճեց։
Սքեյթբորդինգի «զբոսայգի» մրցաձեւում Քիգան Փալմերը կրկնեց Տոկիոյի Օլիմպիական խաղերում ունեցած նվաճումը եւ դարձավ կրկնակի օլիմպիական չեմպիոն։
21-ամյա ավստրալացին հավաքեց 93,11 միավոր։ Փոխչեմպիոն դարձավ ամերիկացի Թոմ Շաարը (92,23)։ Լավագույն եռյակը եզրափակեց բրազիլացի Աուգուստո Ակիոն (91,85)։
Ավստրալիան տիտղոս նվաճեց նաեւ հեծանվասպորտի օլիմպիական մրցաշարում։ Թիմային հետապնդման մրցավազքում Ավստրալիայի թիմը ցույց տվեց 3 րոպե եւ 42,067 վայրկյան արդյունք։ Արծաթե մեդալները նվաճեցին բրիտանացիները (3 րոպե եւ 44,394 վայրկյան)։
Բրոնզե մեդալները նվաճեց Իտալիայի թիմը, որը հաղթեց դանիացիներին։
Ավստրալիան 17 ոսկե, 12 արծաթե եւ 10 բրոնզե մեդալով ամրապնդվեց Խաղերի հաշվարկի երրորդ տեղում։ Չորրորդ տեղում գտնվող Ֆրանսիան ունի 13 ոսկե, 16 արծաթե եւ 19 բրոնզե մեդալ։
Առաջին երկու տեղերում են ԱՄՆ-ն (24 ոսկե, 32 արծաթե, 32 բրոնզե) եւ Չինաստանը (23 ոսկե, 22 արծաթե, 16 բրոնզե)։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.