Փարիզ-2024. Կուբացի վոլեյբոլիստուհի Վարգասի 42 միավորը նպաստեց Թուրքիայի հաղթանակին 1/4 եզրափակիչում (տեսանյութ)

17:31   6 օգոստոսի, 2024

Վոլեյբոլի կանանց Թուրքիայի հավաքականը դուրս եկավ օլիմպիական մրցաշարի կիսաեզրափակիչ։

Փարիզի Խաղերի քառորդ եզրափակիչում Թուրքիայի թիմը 3:2 հաշվով պարտության մատնեց չինացիներին։

Հինգ սեթում 42 միավոր վաստակեց Թուրքիայի հավաքականի կուբացի վոլեյբոլիստուհի Մելիսա Վարգասը։ Սա երկրորդ արդյունքն է Օլիմպիական խաղերի պատմության մեջ։

Ռեկորդը պատկանում է խորվաթ վոլեյբոլիստուհի Բարբարա Ելիչ-Ռուժիչին, որը 2000թ․ Սիդնեյի Օլիմպիական խաղերում Չինաստանի դեմ խաղում վաստակել էր 44 միավոր չորս սեթում։

Կուբայի հավաքականի նախկին խաղացող Մելիսա Վարգասը 2023-ից է հանդես գալիս Թուրքիայի հավաքականում։

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.