Փարիզ-2024. Մալխաս Ամոյանը երկրորդ հաղթանակը տարավ եւ կիսաեզրափակիչում է
14:50 6 օգոստոսի, 2024Փարիզում անցկացվող 33-րդ ամառային Օլիմպիական խաղերում հունահռոմեական ոճի ըմբշամարտի մրցաշարում աշխարհի չեմպիոն, Եվրոպայի եռակի չեմպիոն Մալխաս Ամոյանը երկրորդ հաղթանակը տարավ։
77 կգ քաշայինների քառորդ եզրափակիչում Ամոյանը 3:0 հաշվով պարտության մատնեց Ասիական խաղերի փոխչեմպիոն, Ասիայի չեմպիոն Իրանի ներկայացուցիչ Ամին Կավիանինեժադին եւ կիսաեզրափակիչում կպայքարի եզրափակիչի ուղեգրի համար:
Առաջին մրցափուլում ակտիվություն ցուցաբերելուց հետո պարտերում աշխատելու հնարավորություն ստացավ: Երկու միավորանոց գլորումից հետո Ամոյանը հաշիվը դարձրեց 3:0՝ իր առավելությամբ:
Երկրորդ մրցափուլում Մալխաս Ամոյանը մրցակցին միավոր վաստակելու հնարավորություն չտվեց:
Մեկնարկային գոտեմարտում Ամոյանը 8:0 հաշվով տպավորիչ հաղթանակ տարավ 2021 թ. երիտասարդների Եվրոպայի չեմպիոն, 2022 թ. Մ20 Եվրոպայի փոխչեմպիոն, 2023 թ. Մ23 Եվրոպայի չեմպիոն Ֆինլանդիայի ներկայացուցիչ Ջոնի Կունարի Սարկկինենի նկատմամբ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.