Երկրպագուն գնել է սիրելի թիմի զուգարանակոնքը

55-ամյա իրավաբան եւ տափօղակով հոկեյի «Տորոնտո Մեյփլ Լիվզ» ակումբի երկրպագու Ջիմ Վիջմոնտը աճուրդում 5 300 դոլարով ձեռք է բերել Maple Leaf Gardens մարզահամալիրի հանդերձարանի զուգարանակոնքը: Maple Leaf Gardens-ում մինչեւ 1999-ը հանդես է եկել նրա սիրելի թիմը: 1999-ից «Տորոնտոն» հանդես է գալիս ավելի ժամանակակից Air Canada Centre մարզահամալիրում:

Սկզբում Ջիմը ցանկացել է գնել սիրելի թիմի` 1967-ին Սթենլիի գավաթում հաղթանակի պատվին պատրաստված պաստառը, սակայն բարձր գնի պատճառով մտափոխվել է, հայտնում է Toronto Star-ը:

Վիջմոնտը նշել է, որ զուգարանակոնքը տեղադրելու է հեռուստացույցի դիմաց եւ դրա վրա նստած դիտելու է սիրելի թիմի խաղերը: