Մակրոն․ Փարիզի Խաղերի բացման արարողությունում Ֆրանսիան ցուցադրեց իր իրական դեմքը
13:02 4 օգոստոսի, 2024Ֆրանսիայի նախագահ Էմանուել Մակրոնն անդրադարձել է Փարիզի Օլիմպիական խաղերի բացման արարողության վերաբերյալ քննադատությանը։
«Ֆրանսիացիները հպարտանում են Օլիմպիական խաղերի բացման արարողությամբ։ Մենք շատ հպարտ ենք։ Ֆրանսիան ցուցադրեց իր իրական դեմքը, համարձակությունը եւ դա արեց ուրույն գեղարվեստական ազատությամբ։
Իմ աջակցությունն եմ հայտնում արարողության ռեժիսոր Ժոլիին։ Նրա համարձակությունը շատ մարդկանց է օգուտ բերել»,- Մակրոնի խոսքը մեջբերում է Bild-ը։
Փարիզի Խաղերի բացման արարողության առիթով ափսոսանք էին հայտնել Ֆրանսիայի եպիսկոպոսները։
Արարողության սկանդալային տեսարանի (Լեոնարդո դա Վինչիի «Խորհրդավոր ընթրիքի» ծաղրանմանակում) գլխավոր դերակատար, դիջեյ, արտիստուհի, ակտիվիստ Բարբար Բուչը սոցիալական ցանցերում ֆրանսիացիներից եւ օտարերկրացիներից ստացել է հազարավոր վիրավորական հաղորդագրություններ, սպանության, բռնաբարության եւ խոշտանգումների սպառնալիքներ։
Փարիզի Խաղերի փակման արարողությունը տեղի կունենա օգոստոսի 11-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.