Հենրիխ Մխիթարյանը՝ «Շախտյորի» առաջին շրջանի լավագույն ֆուտբոլիստ
15:21 23 նոյեմբերի, 2012Դոնեցկի «Շախտյորի» պաշտոնական կայքում անցկացված հարցման արդյունքում Հենրիխ Մխիթարյանը ճանաչվել է ակումբի՝ Ուկրաինայի առաջնության առաջին շրջանի լավագույն ֆուտբոլիստ:
Հայաստանի ազգային հավաքականի կիսապաշտպանի օգտին քվեարկել են հարցմանը մասնակցած 1084 երկրպագուներ (76,02 տոկոս):
Երկրորդ տեղը զբաղեցրած խորվաթ պաշտպան Դարիո Սրնայի օգտին քվեարկել են 68 երկրպագուներ (4,77 տոկոս): Լավագույն եռյակը եզրափակել է բրազիլացի կիսապաշտպան Վիլիանը՝ 64 ձայն (4,49 տոկոս), տեղեկացնում է «Շախտյորի» պաշտոնական կայքը:
Հիշեցնենք, որ Ուկրաինայի ընթացիկ առաջնության մեկնարկային 16 տուրերից հետո 23-ամյա Մխիթարյանը խփած 16 գոլով գլխավորում է ռմբարկուների ցուցակը: Երկրորդ տեղում գտնվող նիգերիացի հարձակվող Բրաուն Իդեյեն խփել է 10 գնդակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.