Ալեքսիս Օհանյանը Փարիզում աջակցել է հայ օլիմպիականներին (տեսանյութ)
19:02 29 հուլիսի, 2024Աշխարհի նախկին առաջին ռակետ, կարիերան ավարտած ամերիկացի թենիսիստուհի Սերենա Ուիլյամսի ամուսինը՝ ամերիկահայ գործարար Ալեքսիս Օհանյանը Փարիզի օլիմպիական ավանում հանդիպել է բռնցքամարտիկ Դավիթ Չալոյանին եւ աթլետ Երվանդ Մկրտչյանին: Նա իր աջակցությունն է հայտնել հայ օլիմպիականներին, Հայաստանի թիմին:
Ալեքսիս Օհանյանը Ինստագրամի սթորի բաժնում Դավիթ Չալոյանի եւ Երվանդ Մկրտչյանի մասնակցությամբ հրապարակում է արել՝ նշելով աշխարհի փոխչեմպիոնի ինստագրամյան էջը:
«Ես այժմ հայ օլիմպիականների հետ եմ։ Աջակցում եմ Հայաստանի թիմին, առաջ Հայաստան, մեծ սեր: Այո, լավ թիմ է: Լավ մնացեք, մեզ մի թերագնահատեք»,- ասում է Ալեքսիս Օհանյանը:
Հուլիսի 29-ին Դավիթ Չալոյանը կսկսի պայքարը Օլիմպիական խաղերում: Նրա առաջին մրցակիցը որակավորման փուլում կլինի անգլիացի Դելիշուս Օրին:
Աշխարհի փոխչեմպիոնի մասնակցությամբ մենամարտի մեկնարկը նախատեսված է Երեւանի ժամանակով 23:36-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.