Վահագն Դավթյանը՝ Փարիզից․ Եզրափակիչում նպատակաս գերազանց հանդես գալն է
16:26 28 հուլիսի, 2024Եզրափակիչում նպատակաս գերազանց հանդես գալն է: Ուզում եմ ինքս առաջինը գոհ մնալ իմ անցկացրած մրցումներից:
Այս մասին NEWS.am Sport-ի թղթակցի հետ զրույցում Փարիզից ասաց Եվրոպայի կրկնակի փոխչեմպիոն, աշխարհի գավաթակիր Վահագն Դավթյանը:
Հուլիսի 27-ին Փարիզում անցկացվող Օլիմպիական խաղերի սպորտային մարմնամարզության մրցաշարում Վահագն Դավթյանը գերազանց մրցելույթով դուրս եկավ եզրափակիչ:
Օղակների վարժության որակավորման փուլում Դավթյանը վաստակեց 14.733 միավոր եւ 7-րդ տեղից դուրս եկավ եզրափակիչ:
«Օլիմպիական խաղերում տպավորություններս նույն են, ինչ մյուս խոշոր մրցաշարերում: Լարվածություն կա, բայց նորից նույնկերպ, ինչպես լինում է յուրաքանչուր մրցումներում: Առանձնապես այլ կերպ չէի էլ տրամադրվել:
Եզրափակիչում ակնկալիքներից չեմ կարող խոսել: Նպատակս գերազանց հանդես գալն է: Ուզում եմ՝ ինքս առաջինը գոհ մնալ իմ անցկացրած մրցումներից»,- ասաց Վահագն Դավթյանը:
Վահագն Դավթյանի մասնակցությամբ օղակների վարժության եզրափակիչը տեղի կունենա օգոստոսի 4-ին, Երեւանի ժամանակով 17:00-ին:
Վահագն Դավթյանը առաջին անգամ է մասնակցում Օլիմպիական խաղերին:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.