Փարիզ-2024. Վահագն Դավթյանի արդյունքը
19:19 27 հուլիսի, 2024Ֆրանսիայի մայրաքաղաք Փարիզում անցկացվող 33-րդ Օլիմպիական խաղերի ծրագրով սպորտային մարմնամարզության մրցաշարում ընթանում է որակավորման փուլը, որտեղ Հայաստանն ունի երկու ներկայացուցիչ:
Փարիզի «Բերսի» մարզապալատում անցկացվող սպորտային մարմնամարզության օլիմպիական մրցաշարում մրցահարթակ դուրս եկավ Եվրոպայի կրկնակի փոխչեմպիոն, աշխարհի գավաթակիր Վահագն Դավթյանը: Օղակների վարժության որակավորման փուլում նա վաստակեց 14.733 միավոր:
Քիչ անց հենացատկի վարժությունում մրցահարթակ դուրս կգա Տոկիոյի Օլիմպիական խաղերի բրոնզե մեդալակիր, աշխարհի չեմպիոն, Եվրոպայի կրկնակի չեմպիոն, Եվրոպական խաղերի չեմպիոն, աշխարհի կրկնակի գավաթակիր Արթուր Դավթյանը:
Առանձին գործիքների եզրափակիչ դուրս կգան յուրաքանչյուր գործիքում լավագույն 8-ը:
Եզրափակիչ դուրս եկած մարմնամարզիկները հայտնի կդառնան որակավորման փուլի ավարտից հետո:
Օղակների վարժության եզրափակիչը տեղի կունենա օգոստոսի 4-ին, Երեւանի ժամանակով 17:00-ին:
Վահագն Դավթյան, սպորտային մարմնամարզություն, օղակներ
Ծնվել է 1988 թ. օգոստոսի 18-ին, Երեւանում
Ամուսնացած է, ունի որդի
Անձնական մարզիչներ՝ Հակոբ Սերոբյան, Հարություն Մերդինյան
Հայաստանի բազմակի չեմպիոն է, 2014 թ. աշխարհի գավաթի արծաթե մեդալակիր, 2016 թ. Եվրոպայի փոխչեմպիոն, 2016 թ. Գերմանիայի ակումբային չեմպիոն, 2019 թ. աշխարհի գավաթի բրոնզե մեդալակիր, 2019 թ. Եվրոպայի առաջնության բրոնզե մեդալակիր, 2019 թ. Եվրոպական խաղերի փոխչեմպիոն, 2022 թ. աշխարհի գավաթի ոսկե, արծաթե մեդալակիր, 2023 թ. Եվրոպայի փոխչեմպիոն, 2024թ. աշխարհի գավաթակիր
Փարիզ-2024-ի օլիմպիական ուղեգիրը նվաճել է 2024 թ. ապրիլի 19-ին Կատարի մայրաքաղաք Դոհայում անցկացված աշխարհի գավաթի մրցաշարում ոսկե մեդալակիր դառնալու շնորհիվ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.