Փարիզ-2024․ Արթուր Դավթյանը, Վահագն Դավթյանը, Էլմիրա Կարապետյանը եւ Վարսենիկ Մանուչարյանը սկսում են պայքարը
09:05 27 հուլիսի, 2024Հայ օլիմպիականները սկսում են պայքարը Ֆրանսիայի մայրաքաղաք Փարիզում մեկնարկած 33-րդ ամառային Օլիմպիակամ խաղերում։ Հուլիսի 27-ին Հայաստանը կունենա 4 ներկայացուցիչ 3 մարզաձեւում։
Պայքարի մեջ կմտնեն հրաձիգ Էլմիրա Կարապետյանը, մարմնամարզիկներ Արթուր Դավթյանը, Վահագն Դավթյանը եւ լողորդ Վարսենիկ Մանուչարյանը։
Հուլիսի 27-ին Երեւանի ժամանակով 13:00-ին կմեկնարկի լողորդ Վարսենիկ Մանուչարյանը։ Նա կմասմակցի 100 մետր բաթերֆլայ ոճի կանանց որակավորման փուլին։ Անցկացման վայրը՝ «Փարի Լա Դեֆանս» մարզապալատ (Paris La Defense Arena)։
Երեւանի ժամանակով 14:30-ին մրցահարթակ դուրս կգա Հայաստանի առաջատար հրաձիգ, աշխարհի գավաթակիր, Եվրոպայի առաջնության բրոնզե մեդալակիր, Եվրոպական խաղերի փոխչեմպիոն Էլմիրա Կարապետյանը։
Հայ հրաձիգը կմասնակցի 10 մետր օդամղիչ ատրճանակ մրցաձեւի կանանց որակավորման փուլին։
Հրաձգության օլիմպիական մրցաշարը կանցկացվի Շատորու քաղաքում Ազգային կենտրոնական հրաձգարանում (Chateauroux shooting centre)։
Եզրափակիչը տեղի կունենա հուլիսի 28-ին, ժամը 14:00-ին։
Հուլիսի 27-ին 17:30-ին պայքարը կսկսեն Տոկիոյի Օլիմպիական խաղերի բրոնզե մեդալակիր, աշխարհի չեմպիոն, Եվրոպայի կրկնակի չեմպիոն Արթուր Դավթյանը եւ աշխարհի գավաթակիր, Եվրոպայի կրկնակի փոխչեմպիոն Վահագն Դավթյանը։
Հայ մարմնամարզիկները կմասնակցեն որակավորման փուլին։ Արթուր Դավթյանը հանդես կգա հենացատկի վարժությունում, Վահագն Դավթյանը՝ օղակներում։
Սպորտային մարմնամարզության օլիմպիական մրցաշարը կանցկացվի «Բերսի» մարզապալատում (Bercy Arena)։
Եզրափակիչները՝ օգոստոսի 4-ին, օղակներ՝ 17:00-ին, հենացատկ՝ 18:25-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.