Փարիզի Խաղերի բացման ժամերին սպասվում է հորդառատ անձրեւ․ առաջին անգամ արարողությունը ստադիոնից դուրս է
10:55 26 հուլիսի, 2024Փարիզի Օլիմպիական խաղերի բացման հանդիսավոր արարողության ժամերին Ֆրանսիայի մայրաքաղաքում սպասվում է հորդառատ անձրեւ։ Առաջին անգամ միջոցառումն անցկացվելու է ստադիոնից դուրս, Սենա գետի վրա եւ ափերին, Էյֆելյան աշտարակի մոտից։ Մարզիկների շքերթն անցկացվելու է նավակների վրա 6 կմ ջրային տարածությունում։
Ֆրանսիայի սպորտի նախարար Ամելի Ուեդա-Կաստերան վստահեցրել է, որ կազմակերպիչները պատրաստ են նաեւ անձրեւային եղանակին։
«Անձրեւը չի փչացնի տոնը։ Մենք հետեւում ենք եղանակային կանխատեսումներին։ Մի քանի ամիս ապրել ենք այս օրվա սպասումով։ Իհարկե, լավ եղանակին ամեն ինչ ավելի հաճելի է, բայց ոչինչ չի խանգարի մեր ծրագրերին։ Անձրեւն էլ չի նվազեցնի մեր շոուի որակը»,- Ուդեա-Կաստերի խոսքը մեջբերում է RMC Sport-ը։
Բացման արարողությունը կմեկնարկի Երեւանի ժամանակով 21:00-ից։
Օլիմպիական խաղերը կտեւեւն մինչեւ օգոստոսի 11-ը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.