Վարազդատ Լալայանը, Անդրանիկ Կարապետյանը, Գարիկ Կարապետյանը եւ Դավիթ Չալոյանը մեկնեցին Փարիզ
12:51 25 հուլիսի, 2024Հուլիսի 25-ին Երեւան - Փարիզ ուղիղ չվերթով օլիմպիական Փարիզ մեկնեցին ծանրորդներ Վարազդատ Լալայանը, Գարիկ Կարապետյանը, Անդրանիկ Կարապետյանը եւ բռնցքամարտիկ Դավիթ Չալոյանը։
Օլիմպիականներին մրցավայր ուղեկցեցին ծանրամարտի Հայաստանի հավաքականի գլխավոր մարզիչ Փաշիկ Ալավերդյանը, բռնցքամարտի Հայաստանի հավաքականի մարզիչ, Դավիթ Չալոյանի անձնական մարզիչ Կարեն Ղազարյանը։ Հավաքականի գլխավոր մարզիչ Կարեն Աղամալյանն արդեն օլիմպիական մայրաքաղաքում է։
Ծանրորդները Փարիզում պայքարի մեջ կմտնեն օգոստոսի 9-ից։
Առաջինը մրցահարթակ դուրս կգա Անդրանիկ Կարապետյանը (89 կգ) Երեւանի ժամանակով 17:00-ին։
Գարիկ Կարապետյանը (102 կգ) Փարիզի մրցահարթակ դուրս կգա օգոստոսի 10-ին Երեւանի ժամանակով 13:30-ին:
Վարազդատ Լալայանը կմեկնարկի նույն օրը Երեւանի ժամանակով 22:30-ին։
Ծանրորդները Փարիզի Օլիմպիական խաղերի ուղեգրին արժանացել են վարկանիշային մրցաշարերի արդյունքներով եւ միավորներով:
Բռնցքամարտիկ Դավիթ Չալոյանը պայքարը կսկսի հուլիսի 29-ին Երեւանի ժամանակով 18:50-ին 1/8 եզրափակիչից։
Փարիզի Օլիմպիական խաղերի ուղեգիրը նվաճել է Բանգկոկում անցկացված վերջին վարկանիշային մրցաշարում:
Փարիզ-2024-ում Դավիթ Չալոյանը Հայաստանի միակ ներկայացուցիչն է բռցքամարտի օլիմպիական մրցաշարում։
Օլիմպիական խաղերի բացման արարողության ժամանակ Չալոյանը կլինի Հայաստանի հավաքականի դրոշակակիրը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.