«Փյունիկը» պարտվեց «Ստրուգային» (տեսանյութ)
20:57 24 հուլիսի, 2024Ֆուտբոլի Հայաստանի չեմպիոն Երեւանի «Փյունիկը» Կոնֆերենցիաների լիգայի որակավորման երկրորդ փուլի առաջին խաղում հյուրընկալվեց Հյուսիսային Մակեդոնիայի «Ստրուգային» եւ պարտվեց 1:2 հաշվով։
8-րդ րոպեին 11-մետրանոցի իրավունք ստացան դաշտի տերերը։ Հանդիպման հաշիվը բացեց հյուսիսմակեդոնացի հարձակվող Բեսարտ Իբրաիմին (տեսանյութ)։
Եղիշե Մելիքյանի գլխավորած թիմը պատասխան գոլը նույնպես խփեց 11-մետրանոցից։ 23-րդ րոպեին աչքի ընկավ բրազիլացի կիսապաշտպան Լուկաս Վիլելան (տեսանյութ)։
60-րդ րոպեին հեռացվեց «Փյունիկի» ուկրաինացի կիսապաշտպան Սերգեյ Վակուլենկոն (տեսանյութ)։
«Ստրուգան» հաղթական գոլը խփեց 73-րդ րոպեին։ Հենրի Ավագյանի պաշտպանած դարպասը գրավեց հյուսիսմակեդոնացի կիսապաշտպան Ստեֆան Սպիրովսկին (տեսանյութ)։
Պատասխան հանդիպումը տեղի կունենա Երևանի Վազգեն Սարգսյանի անվան «Հանրապետական» ստադիոնում հուլիսի 30-ին (երեքշաբթի) եւ կմեկնարկի 20:00-ին:
«Ստրուգայի» արգելքը հաղթահարելու դեպքում՝ «Փյունիկի» հաջորդ մրցակիցը կլինի Լյուքսեմբուրգի «Դիվերդանժի» եւ ղազախական «Օրդաբասիի» դիմակայության հաղթողը։
Հիշեցնենք, որ «Փյունիկը» Չեմպիոնների լիգայի որակավորման առաջին փուլում չէր կարողացել հաղթահարել Մինսկի «Դինամոյի» (Բելառուս) արգելքը՝ 0:0, 0:1:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.