Էլմիրա Կարապետյանը մասնակցեց Փարիզի Օլ․ խաղերի ջահի փոխանցումավազքին (ֆոտո)
14:37 17 հուլիսի, 2024Հրաձիգ Էլմիրա Կարապետյանը մասնակցել է Փարիզի Օլիմպիական խաղերի ջահի փոխանցումավազքին
Եվրոպայի բրոնզե մեդալակիր, Եվրոպական խաղերի փոխչեմպիոն, աշխարհի գավաթակիր, հրաձգության օլիմպիական մրցաշարում Հայաստանի միակ ներկայացուցիչը հուլիսի 17-ին օլիմպիական ջահի փոխանցումավազքին մասնակցել է Վիլերս Կոտերեց քաղաքում։
Նա անկախ Հայաստանի պատմության մեջ առաջին հայ օլիմպիականն է, որը մասնակցեց Օլիմպիական խաղերի ջահի փոխանցումավազքին:
Փարիզ-2024-ում Էլմիրա Կարապետյանը մրցահարթակ դուրս կգա հուլիսի 27-ին: Հայաստանի առաջատար հրաձիգը կպայքարի իր հիմնական մրցաձեւում՝ 10 մետր օդամղիչ ատրճանակ:
Կանանց որակավորման փուլը կմեկնարկի Երեւանի ժամանակով 14:30-ին:
Հրաձգության մրցաշարը կանցկացվի Շատորու քաղաքում Ազգային կենտրոնական հրաձգարանում (Chateauroux shooting centre): Եզրափակիչը տեղի կունենա հուլիսի 28-ին, 14:00-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.