Եվրո-2024. Իսպանիան հաղթեց Անգլիային եւ 12 տարի անց դարձյալ նվաճեց տիտղոսը (տեսանյութ)

00:53   15 հուլիսի, 2024

Ֆուտբոլի Իսպանիայի հավաքականը 12 տարի անց դարձյալ նվաճեց Եվրոպայի չեմպիոնի տիտղոսը։ 

Բեռլինում տեղի ունեցած եզրափակիչում իսպանացի Լուիս դե լա Ֆուենտեի գլխավորած թիմը 2:1 հաշվով հաղթեց Եվրո-2020-ի փոխչեմպիոն Անգլիայի հավաքականին։

Հանդիպման  47-րդ րոպեին Իսպանիայի հավաքականի եւ «Բարսելոնայի» 17-ամյա եզրային հարձակվող Լամին Յամալի փոխանցումից հետո հաշիվը բացեց Բիլբաոյի «Աթլետիկի» 22-ամյա հարձակվող Նիկո Ուիլյամսը (տեսանյութ)։ 

Լամալը  Եվրոպայի առաջնության եզրափակիչի մասնակցող ամենաերիտասարդ ֆուտբոլիստն է պատմության մեջ։ Նա 17 տարեկան 1 օրական է։

73-րդ րոպեին աչքի ընկավ Անգլիայի հավաքականի եւ Լոնդոնի «Չելսիի» 22-ամյա կիսապաշտպան Քոուլ Փալմերը, որին գոլային փոխանցում կատարեց Մադրիդի «Ռեալի» 21-ամյա կիսապաշտպան Ջուդ Բելինգեմը (տեսանյութ)։ Փալմերը 70-րդ րոպեին էր «Մանչեսթեր Յունայթեդի» կիսապաշտպան Կոբի Մայնուին։

87-րդ րոպեին Իսպանիայի հաղթական գոլը խփեց «Ռեալ Սոսիեդադի» 27-ամյա կիսապաշտպան Միկել Օյարսաբալը, որը փոխարինման էր դուրս եկել 68-րդ րոպեին։ Օյարսաբալին գոլային փոխանցում կատարեց Լոնդոնի «Չելսիի» 25-ամյա պաշտպան Մարկ Կուկուրելյան (տեսանյութ)։

1964-ի, 2008-ի եւ 2012-ի տիտղոսներից հետո Իսպանիան առաջին անգամ հասավ հաջողության եւ չորրորդ անգամ նվաճեց տիտղոսը՝ դառնալով ռեկորդակիր։ Իսպանիան գերազանցեց Գերմանիային, որն ունի երեք տիտղոս Եվրոպայի առաջնություններում։ Իսպանիան չորրորդ անգամ խաղաց ԵԱ-ի եզրափակիչում։ 1984-ին իսպանացիները 0:2 հաշվով պարտվել են Ֆրանսիային։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.