Եվրո-2024․ Տիտղոսն այսօր կվիճարկեն Իսպանիան ու Անգլիան

07:26   14 հուլիսի, 2024

Ֆուտբոլային Եվրո-2024-ում հուլիսի 14-ին տեղի կունենա եզրափակիչը։ Բեռլինի «Օլիմպիաշտադիոնում» տիտղոսը կվիճարկեն Իսպանիայի եւ Անգլիայի հավաքականները։

12 տարի անց Իսպանիան կպայքարի եվրոպական չորրորդ տիտղոսի համար 1964-ի, 2008-ի եւ 2012-ի հաղթանակներից հետո։

Երբեւէ այս տիտղոսը չնվաճած Անգլիան երկրորդ անգամ անընդմեջ է դուրս եկել եզրափակիչ։ Եվրո-2020-ի եզրափակիչում անգլիացի Գարեթ Սաութգեյթի գլխավորած թիմը Լոնդոնի «Ուեմբլի» ստադիոնում հետխաղային 11-մետրանոցներով պարտվել էր Իտալիային (1:1, 11մ՝ 2:3)։

Եվրո-2024-ում Իսպանիան խմբային փուլում հաղթել է Խորվաթիային (3:0), Իտալիային (1:0), Ալբանիային (1:0), փլեյ-օֆֆում՝ Վրաստանին (4:1), Գերմանիային (1:1, լրացուցիչ ժամանակ՝ 1:0) եւ Ֆրանսիային (2:1):

Անգլիան խմբային փուլում հաղթել է Սերբիային (1:0), ոչ ոքի խաղացել Դանիայի (1:1) եւ Սլովենիայի (0:0) հետ, փլեյ-օֆֆում հաղթել է Սլովակիային (1:1, լրացուցիչ ժամանակ՝ 1:0), Շվեյցարիային (0:0, 11մ` 5:3) եւ Նիդերլանդներին (2:1)։

Թիմերը նախորդ անգամ հանդիպել են 2018-ին Ազգերի լիգայի խմբային փուլում։ Իսպանիան տանը պարտվել էր 2:3 հաշվով, Լոնդոնում հաղթել էր 2:1 հաշվով։

Եզրափակիչը Բեռլինում կմեկնարկի Երեւանի ժամանակով 23:00-ին։ Գլխավոր մրցավարը կլինի 35-ամյա ֆրանսիացի Ֆրանսուա Լետեկսիեն։  Նրան կօգնեն ֆրանսիացիներ Սիրիլ Մունիերը եւ Մեհդի Ռահմունին։ Չորրորդ պաշտոնյան է լեհ Շիմոն Մարցինյակը։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.