«Զենիթին» տեխնիկական պարտություն է գրանցվել

Նոյեմբերի 22-ին կայացել է Ռուսաստանի ֆուտբոլային միության հսկիչ-կարգապահական կոմիտեի նիստը` նվիրված Ռուսաստանի առաջնության 16-րդ տուրի «Դինամո» - «Զենիթ» խաղի ժամանակ տեղի ունեցած միջադեպին:

Հսկիչ-կարգապահական կոմիտեի անդամները որոշել են Սանկտ Պետերբուրգը ներկայացնող ակումբին տեխնիկական պարտություն գրանցել: Երկու ակումբներն էլ կտուգանվեն եւ կանցկացնեն իրենց հանդիպումներն առանց հանդիսականների, հայտնում է sports.ru-ն:

Հիշեցնենք, որ «Դինամո» - «Զենիթ» հանդիպման ժամանակ հյուրերի երկրպագուներից մեկի խաղադաշտ նետած ճայթրուկը վնասվածք էր պատճառել մոսկովյան ակումբի դարպասապահ Անտոն Շունինին: Վերջինս որոշ ժամանակով զրկվել էր տեսողությունից եւ լսողությունից: