Գուլիտ․ Ռոնալդուի վարքն անընդունելի է, տեսա կոկորդիլոսի արցունքներ
17:37 4 հուլիսի, 2024Նիդերլանդների հավաքականի նախկին ֆուտբոլիստ, Եվրոպայի չեմպիոն Ռուդ Գուլիտը քննադատել է Պորտուգալիայի հավաքականի եւ սաուդյան «Ալ Նասրի» 39-ամյա հարձակվող Կրիշտիանու Ռոնալդուին Սլովենիայի դեմ Եվրո-2024-ի 1/8 եզրափակիչում ցուցադրած անհաջող խաղի համար։ 105-րդ րոպեին էլ Ռոնալդուի իրացրած 11-մետրանոցը հետ էր մղել դարպասապահ Յան Օբլակը։
«Պորտուգալիայի հավաքականում կան ֆուտբոլիստներ, որոնք կարող են Ռոնալդուից լավ իրացնել տուգանային հարվածները, բայց նա սովորականի նման ցանկանում էր լինել ուշադրության կենտրոնում։ Նա ձախողեց բոլոր տուգանայինները, վրիպեց 11-մետրանոցից, հետո էլ սկսեց հեկեկալ։ Ռոնալդուի վարքն անընդունելի է․ ես տեսա կոկորդիլոսի արցունքներ»,- Գուլիտի խոսքը մեջբերում է FanzWord-ը։
Պորտուգալիան Սլովենիային հաղթել էր հետխաղային 11-մետրանոցներով՝ 3:0։ Երեք սեյվ էր կատարել պորտուգալացիների դարպասապահ Դիոգու Կոշտան։ Հարվածներն արդյունավետ էին իրացրել Ռոնալդուն, Բրունու Ֆերնանդեշը եւ Բերնարդու Սիլվան։
Քառորդ եզրափակիչում Պորտուգալիայի մրցակիցը կլինի աշխարհի փոխչեմպիոն Ֆրանսիան։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.